ముద్దుగారే యశోద....

ముద్దుగారే యశోద ముంగిటి ముత్తెము వీడు

తిద్దరాని మహిమల దేవకీ సుతుడు

అంత నింత గొల్లెతల అరచేతి మాణికము

పంతమాడే కంసుని పాలి వజ్రము

కాంతుల మూడు లోకాల గరుడ పచ్చ బూస

చెంతల మాలో నున్న చిన్ని కృష్ణుడు

రతికేళి రుక్మిణికి రంగు మోవి పగడము

మితి గోవర్ధనపు గోమేధికము

సతమై శంఖ చక్రాల సందుల వైడూర్యము

గతియై మమ్ము గాచేటి కమలాక్షుడు

కాళింగుని తలలపై గప్పిన పుష్యరాగము

యేలేటి శ్రీ వేంకటాద్రి యింద్రనీలము

పాల జలనిధి లోన బాయని దివ్య రత్నము

బాలునివలె దిరిగీ బద్మ నాభుడు

(At the Fancy dress event 

held in Kshetra School 

on the occasion of Children`s Day)