మొత్తానికి అలా జరిగిందన్న మాట...

జీన్స్‌పేంట్‌లోకి ఫుల్‌స్లీవ్స్ షర్ట్ టక్ చేసి, దానిమీద స్లీవ్‌లెస్ జాకెట్ వేసుకొని, కలర్స్-కలర్స్ షూ తొడుక్కొని, నెత్తిమీద హ్యాటు, కళ్ళకి గాగుల్స్ పెట్టుకొని, మెషీన్‌గన్ తీసుకొని యస్వంత్ బయలుదేరుతుంటే - ప్రవల్లిక వచ్చింది. `ఇంత లేటయ్యిందేమి? మనవాళ్ళందరూ వచ్చేశారా?` అన్నాడు.

`అదిగో బయటే వెయిట్ చేస్తున్నారు. నువ్వు వస్తే వెళదాం,` అంది.

రోజూ ఒకే రకమైన యూనీఫాం వేసుకొని బోర్ కొట్టేస్తుంది వాళ్ళకి. అందుకే ఈ రోజు వాళ్ళు చదువుతున్న క్షేత్రస్కూల్‌లో ఫ్యాన్సీ డ్రెస్ ఈవెంట్ ఉందని రకరకాల  డ్రెస్సుల్లో తయారయి, కబుర్లు చెప్పుకొంటూ స్కూల్‌కి వచ్చేశారు.

కొంతమంది ఫ్రూట్స్‌లాగ, ఇంకొందరు ఫ్లవర్స్‌లాగా మేకప్పులు చేసుకొన్నారు. నెహ్రూ, మోడీ, క్రిస్మస్‌తాత, రాధాకృష్ణులు, డాక్టర్, ఫెయిరీస్, కోయదొర, పంతులుగారు, బాల హనుమంతుడు, మిలటరీ జవాన్లు, పోలీస్ ఇన్స్పెక్టర్లు... లాంటి వేషాలు వేసుకొన్నారు చాలా మంది పిల్లలు. 

అందరూ భలేగా ఉన్నారు. ఒకరిని ఒకరు `నీ డ్రెస్ బాగుందంటే... నీ డ్రెస్ బాగుందని` మెచ్చుకొన్నారు. `నా డ్రెస్ ఎలా ఉంది?` అని అడిగి `చాలా బాగుంది` అని చెప్పించుకొన్నారు. కానీ, సహస్ర వేసిన వేషం చూసి మాత్రం అందరికీ కళ్ళవెంట నీళ్ళు వచ్చేశాయి. `సేవ్ ద గాల్ చైల్డ్` అట. 

అమ్మ లేకపోతే ఎవరైనా ఉంటారా? చెల్లి, అక్కా ఉంటే అన్నదమ్ముల్ని ఎంత ప్రేమగా చూసుకొంటారు. కానీ కొంతమంది చేసే పనులవల్ల అమ్మాయిలే లేకుండా పోయే పరిస్థితి రావచ్చని జడ్జీలు మాట్లాడారు. అందుకే అందరూ చేయీ, చేయీ కలిపి ప్రతిజ్ఞ చెయ్యాలి `సేవ్ ద గాల్ చైల్డ్` అని.  

మొత్తానికి ఫాన్సీ డ్రెస్ ఈవెంట్ చాలా బాగా జరిగింది. అందరూ ఆనందంగా ఇంటి ముఖం పట్టారు. ఇకపోతే `ప్రైజులు ఎవరికి వస్తాయో!` అని చిన్న ఆత్రుత అంతే!

ఈ పిల్లల్లో మీకు ఎవరు నచ్చారు?

ఇంతకు ముందు ఈ ఈవెంట్ గురించి వ్రాసిన పోస్ట్‌లు ఈ క్రింది టైటిల్స్‌మీద క్లిక్ చేసి చదవండి. అప్పుడు డిసైడ్ చెయ్యండి.

1. ముద్దుగారే యశోద....

2. ఒక్కో చినుకునీ వొడిసిపట్టు..

3. చాచా నెహ్రూ

4. ఫెయిరీస్

5. మేకింగ్ మెమొరీస్

6. విద్యాబుద్ధులు నేర్చుకోవాలని ఎందుకు అంటారు?

7. హెల్త్ ఈజ్ వెల్త్

8. సంమోర్

Some More....

పంతులుగారు

కోయదొర

క్రిస్మస్ తాత శాంతాక్లాజ్

తెలుగమ్మాయి

(At the fancy dress event conduct 

on the occasion of Children`s Day

at Kshetra School)

హెల్త్ ఈజ్ వెల్త్

వెంకట రాజిన్ డాక్టర్‌గారి దగ్గరకి వెళ్ళాడు. అమ్మా, నాన్నా ఏమీ తినొద్దంటున్నారనీ.. అందుకే చాలా నీరసం వచ్చేస్తుందనీ కంప్లైంట్. ఏమైన టానిక్కులు ఇవ్వమని అడిగాడు. 

డాక్టరు ఆశ్చర్యపోయింది. `అమ్మా, నాన్నా బ్రతిమాలి తినిపిస్తారు కానీ, ఎక్కడైనా తినద్దంటారా!? `కొంచం వివరంగా చెప్పు,` అంది.

`ఓ రోజు సినిమాకి వెళ్ళినప్పుడు ఇంటర్వెల్‌లో సమోసాలు తింటానంటే వద్దన్నారు. కనీసం ఐస్‌క్రీం అన్నా కొనిపెడతారనుకొంటే - శీతాకాలంలో ఐస్క్రీంలూ, కూల్‌డ్రింకులూ తీసుకొంటే జలుబుచేస్తుందీ - టాట్, కాదూ, కూడదూ అన్నారు. రోడ్డుప్రక్కన బండిమీద బజ్జీలు, నూడుల్స్, పిజ్జాలు, చిప్స్ పేకెట్లు, చాక్లేట్లు... ఏమీ తిననివ్వడం లేదు` అని చెపుతూ గొల్లుమన్నాడు.  

ప్రతీ పిల్లవాడి తల్లితండ్రులూ అలా ఉంటే.. రోగాల పాలుచేసే జంక్‌ఫుడ్ జోలికి వెళ్ళకుండా పిల్లలని అదుపుచేయగలిగితే ఎంతో బాగుంటుందని డాక్టరుకి అనిపించింది.

కానీ, ఏమీ తిననివ్వకపోతే ఇంకెలా బ్రతకాలని ఆ కుర్రాడు గోలపెట్టేస్తున్నాడు. 

అప్పుడు డాక్టర్-

`నువ్వు అడిగిన ఆహార పదార్ధాలు ఆరోగ్యానికి ఎంతో హాని చేస్తాయి. అజీర్తి చెయ్యడం, జ్వరాలు రావడమేకాకుండా... ప్రతీరోజూ తింటే ప్రమాదకరమైన ప్రాణాంతక రోగాలను కలుగజేస్తాయి. కాబట్టి వాటికి బదులుగా ఆరోగ్యాన్ని కలుగజేసే తాజా పండ్లు, కాయగూరలు తినాలి అని, అమ్మవండిన ఆహారపదార్థాలు అనారోగ్యం కలిగించవనీ` చెప్పింది.

జామ, నారింజ, బత్తాయి, నిమ్మ కాయల్లో, ద్రాక్ష పళ్ళలో;
కాలీఫ్లవర్, టమాటో, బంగాళాదుంప లాంటి కాయగూరల్లో
సి విటమిన్ లభిస్తుంది.
సి విటమిన్ మనల్ని జలుబు నుంచి రక్షిస్తుంది,
ఎర్ర రక్త కణాల్లో హిమోగ్లోబిన్ స్థాయిని పెంచుతుంది,
మెదడు శక్తిసామర్ధ్యాలను పెంచుతుంది. 

కేరెట్ లాంటి దుంపల్లో,
ఆకుకూరల్లో, బొప్పయి పండులో, పాలల్లో, గ్రుడ్లలో..
విటమిన్ ఎ పుష్కలంగా లభిస్తుంది.
కళ్ళ ఆరొగ్యం బాగుండడానికి,
పిల్లలలో ఎదుగుదలకు, రోగనిరోదక శక్తి పెరగడానికి
ఎ విటిమిన్ ఎంతో అవసరం. 

పండ్లు, కాయగూరలు తినడం వల్ల శరీరానికి లభించే పోషక విలువలు, మనలో పెరిగే రోగనిరోదకశక్తీ మొదలైన వాటిని గురించి వివరించి చెప్పిన తరువాత రాజిన్‌కి విషయం అర్థమయ్యింది. తాను తెలుసుకొన్న సంగతులని అమ్మా, నాన్నలకి చెప్పడానికి ఆనందంగా ఇంటిముఖం పట్టాడు.  

(Photos taken at Kshetra School during Children`s Day Celebrations)